Fortsatt god helg

petter

Kvar gong eg fer tilbakemeldingar på bloggpostane mine, er det som julekvelden. At eg ender opp med ei skikkeleg kvalitetstilbakemelding gjer det jo endå betre. Takk for det!

Eg har lese gjennom artikkelen din Petter, og etter det eg kan sjå, så er me særs samkøyrde i tankane våre om korleis nettverda fungerer pr. i dag, og korleis den unge (yngre) generasjonen bør få gode retningsliner inn tidleg for slik å stå betre rusta til livet som kjem.

At eg gjekk ut i frå at du ikkje deltok på Facebook skal eg ta på mi kappe. Her burde eg nok gjort litt enkel research.

Når det kjem til det journalisten/ane frå Dagbladet skriv som eit sitat frå deg, så les eg det som om du trudde at Facebook var eit «anonymt» fora. Grunne til det er at ordet «anonymt» ikkje vert teke i bruk i Dagbladet sin artikkel før i det siste avsnitt. Så ut i frå det så får gjerne journalistikken ta ansvar sjølv.

Det er jo rett som du også seier. Ein kan laga seg falske profilar på mellom anna Facebook. Likevel trur eg det er eit fåtal av deltakarane som gøymer seg bak eit slikt. Noko av grunnen til det er sjølvsagt at det i dag er meir sosial aksept for å delta i det som tidlegare var noko særs interesserte dreiv på med. «Alle» har jo datamaskin og er på nett no til dags, til forskjell frå for berre 10 år attende.

Takk for kommentar og god lesing.