Kommentarer til: Nye kritt og blyantar

Av: Anne Karin Dale

Anne Karin Dale — Wed, 10 Mar 2010 22:02:15 +0000

Då er vi heilt samde, då!:-) I VERKTYKASSA har vi mange supre, «instante», ja nettopp: verktøy til hjelp i ulike undervisningssamanhengar. Det er utruleg fascinerande, også for ein 65 år gammal lærar, med laaang fartstid i skulen!

Av: Torger Åge

Torger Åge — Wed, 10 Mar 2010 21:05:33 +0000

@Anne Karin Dale Heilt sant! Det er nettopp difor eg gler meg så over å endeleg få moglegheiten til å ta digitale media i bruk. Born no til dags vert planta framføre tv-skjermen før dei kan kommunisera på fornuftig vis. Dei er vande med kjapp tilbakemelding. Alt anna vert fort keisamt. Det er her eg ser ei god nytte av digitale tavler.

Under ein samtale kan ein no lett henta fram eit bilete/animasjon/film og visa for elevane. Spontaniteten vert ein heilt anna. Når ein les frå ei bok, og elevane lurer på kva ordet tyder, så vil det (i alle fall for meg) vera letare å henta fram eit bilete å syna dei framfor å forklara det med ord. Eg trur gjerne også eleven fortare fell av om eg skal forsøka å forklara eit ord med 100 andre.

I tillegg er eg (endå) såpass ung, at eg kjenner det særs naturleg å nytte desse nye media. Å då ikkje å få moglegheit til det føler eg legg band på meg. Det likar eg ikkje.

Men sjølvsagt må ein veta når og korleis ein skal nytta digitale verkty. Det er ikkje noko nytt i det. Ein må alltid ha eit medvite forhold til kva verkty ein skal nytta. Poenget er at her har ein fått ein heilt flunkande ny verktykasse å nytta seg av. Det ville vere for gale å la han stå i eit hjørne av di dei gamle har gjort jobben i så mange år.

Av: Anne Karin Dale

Anne Karin Dale — Wed, 10 Mar 2010 20:53:59 +0000

Det er ikkje alltid så greitt å vere frelst, anten det er digitalt eller på anna måte..for då har ein lett for å misse nyansane. Det er i alle fall mi eiga erfaring.. Eg trur eg kan kalle meg over normalt interessert i bruk av digitale verktøy i undervisninga, og prøver heile tida å følgje med i det nye som kjem. Men faren ved denne «hallelujaen» er at vi gløymer NÅR og KVIFOR vi skal nytte desse hjelpemidla. Vi hoppar på trendar og nyvinningar, og lar oss lett fascinere av «flimringa» på skjermen, det vere seg Facebook, Twitter, You Tube eller anna snadder der «ute». Mitt poeng er at det framleis er (og vil bli?) møte mellom menneske som er kjernen i all undervisning. Og interaksjonen blir aldri den same mellom ein skjerm og ein elev. ..sjølv om ein kan lære mykje på det viset, òg!

Av: Espen

Espen — Wed, 10 Mar 2010 20:08:42 +0000

Jobber selv i barneskolen og skjønner hva du sier. Jeg har vært heldig og fått en digital tavle nå (av merket Promethean) som jeg er kjempefornøyd med! Mye ekstrautstyr også (er vel planen at det skal brukes litt som demonstrasjonsklasserom for dem). Dette tror jeg virkelig er fremtiden altså. Det er nødt til å satses på oppgradering fra vanlige tavler. Vi har lagt planer for skolen for at alle klasserom skal ha fastmonterte projektorer i løpet av noen år, men spørsmålet melder seg om man heller bør satse på digitale tavler.. Men er våre kolleger villige til å ta det i bruk?

Stå på! Håper du får en tavle som er effektiv i bruk og at du ikke må vente for lenge på den!