dalstroka-innafor.net

Eigd av Apple

Forfatta av Torger Åge | 05.08.2008 | Kategoriar IKT, Morro, Personleg

Då har eg teke steget og vorte ganske så tett knytta til Apple Inc. at eg veit eigentleg ikkje heilt om eg likar det! Eg har kjøpt meg iPhone. Det er jo ein fantastisk ting denne iPhonen. Mobiltelefon, e-postlesar/skrivar, nettlesar, kamera, GPS, musikkspelar, lydopptakar, videospelar, adressebok, fjernkontroll, spelemaskin, musikkbutikk og mykje, mykje meir. Alt i ein dings som ikke er særleg mykje større enn ein kortstokk.

Det er mest litt skremande. At det å kjøpa seg ei song, eller ein CD, har vorte noko ein gjorde når ein ei sjeldan gong var til byen sånn ei gong på 90-talet, medan ein nå berre kan dra opp “mobilen” av lomma og klikka på ein knapp for så å kunne høyra Ari Hest senda lydbøgljer ut i din nærleik kun få minutt etter.

Og det var nettopp det eg gjorde i dag. Eg gjekk til innkjøp av mi fyrste lovleg kjøpte song ved hjelp av iTunes. Det var ein song av eit engelsk band med vokal av Thomas Dybdahl som eg høyrde i burdsagskalas på Tonstad i helga. Bandet heite “Morcheeba” og er absolutt noko ein kan ta ein nærare kikk på!

Elles er det vel det å seie etter nokre dagar med ny mobiltelefon at det har vore eit fantastisk fint år utan mobiltelefon. For dei som trur at det er umogleg…det er det ikkje. Litt andre måtar å gjera ting på må ein nok rekne med…avtale ting på førehand og ikkje kunne rekne med å vere alle stadar på ein gong. Men akkurat dette har jo ei positiv side! Som Lord Chesterfield sa det;

There is time enough for everything in the course of a day if we do but one thing at a time, but there is not time enough in a year if we try to do two things at a time.

Og det at eg har fått mobiltelefon att har eigentleg ikkje endra så mykje.  Det vesle eg har nytta telefondelen av dingsen er stort sett til å testa ut høgtalarane på han, samt det medølgjande hovudsettet med mikrofon på. Det er bluetooth på han og, så i går kveld sat eg her på sofaen i den nye leide leiliheita mi og prøve å nytta han som ein taletut for Skype. Akkurat i går fekk eg det ikkje til, men i teorien skal det kunne gå.

Eg er altså alt i alt særs godt nøgd med mitt nye kjøp og gler meg verkeleg til å ta han meir og meir i bruk utover sidan han er så himla effektiv! 2300,- i innkjøp og eit månadleg abbonement på snaue 400 kroner gjer han jo ikkje til verdas dyraste telefon heller…for dei som måtte tru at han kostar skjorta og litt til.

Mi dysfunksjonelle slekt

Forfatta av Torger Åge | 25.07.2008 | Kategoriar Morro, Personleg

Eg har dysfunksjonell slekt! Eg har og ein bil. Ei stasjonsvogn. Denne har ei matte på golvet framme med clutch, gas og bremsepedalane. Ho er meint å samle opp rusk frå skoa, og det gjer ho jo og forsåvidt.

Problemet er berre det at kvar gong eg låner bort bilen til mi mor, tante, syster eller liknande, så får eg bilen levert attende med denne matta godt samanrulla og trykt så godt fram mot radiatoren som ein fysisk kan få det til frå inne i kjørekupeen. Det er hakket før eg installerer videokamera i bilen for å sjå kva som eigentleg hender når andre enn eg er rundt å kjøyrer. For eg veit det ikkje heilt sikkert, men eg trur kanskje det at bilen min vert feiltolka som ein bil henta direkte ut av Flintstones….altså ein der du plantar beina gjennom golvet og gjev gass med apostlane. Eg kan ikkje fatta å forstå kva andre grunnar ein skulle ha til å krølle saman den golvmatta så til dei grader….kvar einaste gong?!

Ananas HaPå - oppfylging

Forfatta av Torger Åge | 14.07.2008 | Kategoriar Morro, Personleg

Som respons på e-posten eg sendte til Nestle Norge i går og spurde om Ananas HaPÅ fekk eg dette svaret;

Takk for mail og interesse for HaPå.

Når det gjelder beslutningen om nedleggelse av Hamarfabrikken som nylig er fattet, er det riktig at noe av vårt sortiment skal flyttes til Finland. Dette gjelder imidlertidig kun barnemat. Vi jobber enda med alternative løsninger for HaPå-produksjon i Norge. Det er derfor for tidlig å si noe om utfallet i denne saken. Men vi håper selvfølgelig å kunne bevare dette produktet i vårt sortiment.

Når det gjelder Ananas HaPå, ble dette produktet tatt ut av vårt sortiment da det solgte for dårlig, slik at butikkene ikke lenger ønsket det i hyllene sine. Jeg viderefører likevel din henvendelse til ansvarlig på HaPå i Norge slik at han ser de ønskene som kommer inn.

Ønsker deg en riktig fin sommer.

Med vennlig hilsen
Liv Sjølie
Forbrukerkontakt
A/S Nestlé Norge

Med andre ord…om nok av dykk sender ein e-post til Nestle og spør om nettopp Ananas, eller mørk sjokolade for den del og kvifor dei ikkje er å skaffa, så er i alle fall sjansen der for at det dukkar opp att. Peis på!

Ananas Ha-På

Forfatta av Torger Åge | 13.07.2008 | Kategoriar Morro, Personleg

Eg har skrive om dette før. I dei tider då eg snikkerte heimesida mi i frå grunnen av. Men ein god ting kan ikkje nemnast for ofte, og no er det jo tross alt nokre år sidan sist eg var inne på temaet.

Det er etter kvart nokre år sidan dette fantastiske, norske produktet frå Hamar Pålegg gjekk ut av produksjon. Den siste HaPå-fabrikken på Hamar skal frå januar av også flyttast til Finland, noko som vel vil medføra at det siste HaPå produktet, av dei originalt tre ulike smakane (Lys sjokolade-HaPå, mørk sjokolade-HaPå og min favoritt, ananas-HaPå) vil forsvinna frå hyllene etterkvart. For kvifor skulle eit internasjonalt selskap, som har flytta produksjonen til Finland laga pålegg for ein liten skare nordbaggar?

Gjer gjerne slik eg no har gjort. Send ein e-post til forbrukerkontakt@no.nestle.com og be dei om å ta opp att produksjonen av dette fantastisk, sødmefyllte pålegget som me som vaks opp på 80-talet fekk lov å utfordra Karius og Baktius med!

Og for dei som tykkjer at det høyres ein smule ekkelt ut med ananas-pålegg…det var vel med dette pålegget som med mange andre kunstige smakar; det smakte ikkje som ekte ananas. Det blir på ein måte som appelsinsaft…eg har endå til gode å smaka på appelsinsaft som faktisk smakar appelsin! Eller sjampanjesaft som smakar sjampanje.

Skulle du heller ikkje hugse produktet…då er du antan rett og slett for ung, eller du har berre fortreng det. Sjå om ikkje illustrasjonsfotoa til høgre kan bringa fram noko frå langt baki hjernebarken!

Eg er litt geek

Forfatta av Torger Åge | 12.07.2008 | Kategoriar IKT, Morro, Personleg

Eg har ei t-skjorte med påskrifta “Geek” på brystet.

I stad tok eg også ein test på interwebben. Resultatet var som følgjer:

50% Geek

Utedøger

Forfatta av Torger Åge | 06.07.2008 | Kategoriar Personleg

Denne veka har eg hatt 75% av utedøgra mine i år. Etter den kjempeflotte turen med Natura i Volda gav det rett og slett meirsmak å sova utandørs under open himmel. Biletet under er teke sånn rundt 12 på natta, og med ein finfin vind som bles var ikkje mygg/knott eit tema heller. Anbefalast på det varmaste!

Eg har ikkje mobiltelefon

Forfatta av Torger Åge | 05.07.2008 | Kategoriar Personleg

Eg har ikkje mobiltelefon. Det vil sei. Eg har telefon, men han er ikkje mobil. Etter at eg gjekk rundt i kajakk i mai i fjor har eg levd det herlige 80/tidleg 90-tallslivet om att. Og det er flott. Ting vert ikkje så stressande.

Eg har fått mange reaksjonar som følgje av dette. Men det viser seg no at eg slettes ikkje er åleine om dette. Her er nokre reaksjonar frå detectiveyeti.com med ulike reaksjonar (sortert etter årstal):

Typical Reaction to the Revelation That I Do Not Own a Cell Phone, By Year

1998: Solidarity (”Yeah, me neither–I hate those things!”)

1999: Envy (”Lucky you; I had to get one for work.”)

2000: Indifference (”Okay, what’s your home phone number then?”)

2001: Encouragement (”You should get one–you can play Tetris on them now!”)

2002: Confusion (”I thought you were, like, a tech guy.”)

2003: Sympathy (”They’re getting pretty cheap. You’ll be able to afford one soon.”)

2004: Irritation (”So how am I supposed to get a hold of you?”)

2005: Derision (”If we go out tonight I’ll send you a fax.”)

2006: Skepticism (”Are you serious?”)

2007: Awe (”Wow, you’re like the last one.”)

2008: Incomprehension (”You don’t … how …?”)

Men til alle som måtte lure. Om ikkje lenge skal eg få meg ein. Ikkje ein tilfeldig ein sjølvsagt…ein som gjev meg litt meir.