dalstroka-innafor.net » Friluftsliv

4. sundag i advent

Torger Åge — Sun, 18 Dec 2011 08:05:47 +0000

No stundar det for alvor mot joletid. I dei korte dagane me har, er det sterkaste ljoset du ser tilbodsplakatane frå kjøpesentra. Desse lyser mot deg på ein måte som gjer at ein heilt kan verte blenda, og gløyme kva joletida handlar om.

NRK P1 sitt program Friluftsmagasinet tek tak i dette, og let kåsør Jimmy Øverdal få kome med nokre viktige ord til oss alle om kva jola eigentleg handlar om:

Hyttedraumen

Torger Åge — Sun, 23 Oct 2011 10:32:05 +0000

Helge Søfteland i NRK P1 tek ein prat med Carlo Aal i Vestlandsforsking om endringane i norske hyttevanar dei siste åra.

Naturens aktørar

Torger Åge — Wed, 12 Oct 2011 10:41:43 +0000

Haustferie nok ein gong. Då er det godt å koma opp i høgda, og bort i frå eksosen i byen.

I kjøkkenglaset har eg meir underhaldning enn det full pakke hjå Altibox kan gje meg. Og det gratis!
Dagens fyrste show var det ein liten røyskatt (Mustela erminea) som gav meg. Han kom pilande i blomsterbedet utanfor, fin og kvit i si flunkande nye vinterdrakt.

Litt etter dukka det opp ei, for meg, sjeldant syn. Ein sidensvans (Bombycilla garrulus) sat og tok ein kikk på forrådet i ripsbuskane. Eg ser at fuglen har for vane å vera til stades i heile Noreg, men det er ikkje før no i dei siste åra at eg har sett han her på Sinnes.

Spanande med nye innslag frå kjøkkenglaset.

Mot normalt

Torger Åge — Sat, 01 Oct 2011 12:09:16 +0000

Så skriv vi 1. oktober 2011. Denne helga er eg i Fløysvik, og til skilnad frå sist vitjing her, då vinden rista i hytta, er det no blikk stille. Det beste av alt er dog at det kjennest som ein midtsumarsdag om det ikkje hadde vore for dei gule blada på treda. Under er eit stemningsbilete:

Haust

Torger Åge — Sat, 24 Sep 2011 17:33:33 +0000

Ei hyperventilerande jord

Torger Åge — Fri, 07 Jan 2011 09:27:51 +0000

Om karbondioksid i jordas atmosfære.

Om måleeininga ppm.

God jul!

Torger Åge — Fri, 24 Dec 2010 16:30:02 +0000

Sundagstankar

Torger Åge — Sun, 26 Sep 2010 07:48:07 +0000

Eg kom over ein video med eit flott bodskap i dag. Andrea Dorfman lagar herleg melodisk musikk, og lagar også sine eigne musikkvideoar på ein særs kreativ måte.

Videoen hennar under her, presenterer nokre tankar som kan vere verdt å ta med seg ut i den neste veka, kanskje spesielt om du ikkje fekk med deg den bilfrie dagen som var no tirsdag 22.09.

Kjerag

Torger Åge — Sun, 05 Sep 2010 16:21:04 +0000

Testkjøring

Torger Åge — Tue, 10 Aug 2010 17:05:12 +0000

I samband med at eg før sumaren gjekk til innkjøp av ein flott hybridsykkel, hadde eg lova meg at eg skulle tenkje på å kanskje vurdere å sykle til arbeid i år.

Difor gjorde eg i dag ein førebuande testrunde til arbeid og attende. Greit å vete at ein ikkje vil gå på ein smell, og kome i mål eit par timar etter at skulen har starta.

På vegen ut gløymde eg sjølvsagt å settje i gang telleverket, men på heimturen klokka eg inn på hyggelege 32 minutt.

Målet var å kome under 45 minutt, så marginen var på toppen av det heile soleklar.

Neste steg vert å sykle til arbeid no medan me har planleggingsdagar, så får ein ta ei evaluering til helga og sjå kva status er.

Eg har sjølv vanskeleg for å tru det, men eg lurer meg på om eg ikkje har fått utdelt same par kne som resten av slekta. Difor gjeld det nok å ta det tålig i starten.